السبت، 20 مارس، 2010

نبتةٌ خضراء .. 2

كن أنت بذرة البدء

كن أنت البذرة التي ستعطي هذه الشجرة الضخمة ذات الفروع،


التي ستعطي هذا الكم من الأوراق التي ستمنح "أكسجين الحياة" للهواء،

كي يتنفسه البشر وسائر الخلائق،

ولا تنتظر من أحد البدء...

كن.. أنت بذرة البدء.


ولا تستهن بالحبة:


فــ بحبة البذرة اكتُشِفَ علم "الوراثة"،
العالِم جريجور مِندِل اكتشف علم الوراثة من خلال ملاحظته لحبات وأزهار البسلة،
فلا تقلل من شأن نفسك فأنت الحبة التي من الممكن أن تكون بداية علم.



ولكن لا تنتظر مندل لكي يكتشفك:


اكتشف أنت نفسك، ولا تنتظر أحدا، فنفسك أهم عندك من أي أحد،
ونفسك حقا تستحق الدراسة.


يتبع بإذن الله....

هناك 27 تعليقًا:

Haytham Alsayes يقول...

السلام عليكم

استادتي الغالية هبة بجد بتعلم منك كثيرا ..... سبحان الله كنت بتكلم مع والدتي النهاردة عن الموضوع دة ممكن الفرد فينا يغير وجه التاريخ .....
ممكن اذا عرفنا اهمية نفسنا

كنت بشاهد اعلان منتشر من كذا اسبوع اسم الاعلان وقفة مصرية بيتكلم عن زيادة عدد السكان وكيفية مواجهتها فقلت لامي انتي عارفة تمويل الاعلانات دى جي منين ؟
انا قريت وسمعت ان المعونة الامريكية بتتصرف في الحاجات اللي زي دى بصراحة انا مش عارف دقة المعلومة دي بس هي مش بعيدة عن اساليبهم

وفكرت مع نفسي هل ال80 مليون مصري لهم قيمة رديت رد قاسي جداان فعلا اكتر الشعب المصري مالوش قينة عشان هو مش عارف قيمة نفسه

وفكرت لو ان شاء الله خلصت الماجستير والدكتوراه وبقيت استاذ جامعي عكون استاذ جامعى عادي زى الاف منهم منسمعش عنهم حاجة وبلد زى دي مبتقدرش العلم بصراحة نفسي ابقي مختلف حتي لما اموت يقولوا فعلا خسرناه
ودة مش علي المستوى الشخصي بس وعلي المستوى الجماعي كمان من ضمن احلامي ان اكتب كتب في التاريخ وكمان ابقي صانع بعض احداثه
طبعا احلام كبيرة جدا بس مش بعيدة علي ربنا


معلش وجعت دماغك بس فعلا البوست دة ولد عندى طاقة زى طاقة البناء الضوئى في النبات

تقبلي خالص تحياتي

هبة النيـــــل يقول...

أستاذ هيثم

ربنا يكرمك يا رب

مصر لسه بخير طالما فيها ناس زيك والله فعلا، ربنا يحميك، وبلغ والدتك بجد انها زين ما ربت.

أنا عندي بنوتين صغيرين شكلي هحجزك لواحدة منهم :)

حضرتك عارف أمس كنت بلقي محاضرة اسمها ذاكر بذكاء وليس بجهد وكانت متضمنة لماذا نذاكر وأسئلة مشابهة، الشباب اللي في سنك واللي في اعدادي والله يا أستاذ هيثم فرحوني جداااا فيهم شباب زي الورد فعلا عارفين هما في الدنيا ليه وهمهم كبير ونيتهم واضحة.

وصح جدا كلامك، عارف شعب مصر دا بترول وثروات لم تكتشف بعد، والله فعلا تخيل بلد غنية جدا بثروات في باطن الأرض ولم تكتشف، هل هيكون لها قيمة؟؟

لن يكون لها قيمة إلا إذا اكتُشِفت.

وعموما حضرتك ما تقلقش المصريين بيسمعوا من هنا ويطلعوا من الناحية التانية في الحكاية دي بالذات :)، ويقال إن هذه الاعلانات من أموال الضرايب :)

إن شاء الله هشوفك أستاذ دكتور في علم التاريخ وخد بالك طالما انت ناوي تكون متميز يبقى هتكون بإذن الله.

على فكرة أنا فهمت انك من دمنهور وانا كنت جيت كفر الزيات مرتين محاضرات تحفيز ذاتي، إن شاء الله يمكن آجي قريب ربنا ييسر هقولك قبلها بإذن الله لو تحب تحضر "ببلاش ما تقلقش مش هناخد منك حاجة ". :)

نورتني كتير فعلا

Sherif يقول...

عزيزتى هبة

البذرة التى تذكريها هى أخطر بكثير من بساطة العرض .. على انه شيق .. وأظن أنك قصدتى تلك الطاقات الهائلة التى لايدريها الانسان عن نفسه وعليه اكتشافها بنفسه .. دون انتظار مندل ثان ليقوم بذلك

بسيطة العرض .. عميقة القصد

هبة النيـــــل يقول...

أستاذي الفاضل

باشمهندس شريف

حقا كما تفضلت وذكرت

أقصد الطاقات الهائلة الداخلية

التي دوما ننتظر من يعلمنا بها

رغم أننا نحن المطالبون باكتشافها

شرفت بك أستاذي

دوما أنتظر جديد أفكارك

أرق المنى :)

Beram ElMasry يقول...

ابنتي العزيزة هبة النيل يعني مصر
عيد ميلاد سعيد لوالدتك الفاضلة متعها الله بالصحة والعافية
وعيد ميلاد سعيد لزهرة بستانك طفلتك الجميلة حفظها الله من كل مكروه وعيد ميلاد سعيد وعمر مديد لشخصك الكريم اعاده الله عليكم جميعا بالصحة والسلامة وطول العمر.

رائع جدا موضوعك وطريقة العرض ففعلا من واجبنا ان نتعرف علي انفسنا ومقدرتنا كما قيل قديما اعرف نفسك بنفسك. احسنت يابنتي العزيزة
والسلام ولا سلام مع بني صهيون

أحمد شريف يقول...

السلام عليكم
بارك الله بكِ

أشد على قلمك بطرحه هذه الدرر
صدقيني يا دكتور : إذكائك لهذا الدور الإيجابي له قيمة كبيرة
لي عودة لمطالعة دررك هنا كما أتصور ولنقاش أكثر جدية بإذن الله

كلمات من نور يقول...

حقا ليتنا نكون بذورا صالحة كي نجني ثمارا طيبة ...........جزاكي الله خيرا على هذه المدونة وجعلها في ميزان حسناتك...تحياتي

تايه في وسط البلد يقول...

يا خبر ابياااااااااااااااض

رجعتيني تاني لدروس النبات والتشريح علي يد البروفيسور عبد المنعم عودة رحمة الله عليه

كنا نري الحكمة والعظمة تتحرك تحت العدسة

الأمر كما قلتي وان كنت ازيد فقط توافر الذكاء لاختيار الوقت المناسب..والا ابتلعت الأرض البذرة ولم يبن لها اثر بعدها

كل التحية وسعيد بموضوع كلية العلوم هذا

هبة النيـــــل يقول...

أبي العزيز

بيرم المصري

كل "يوم" وأنت بصحة وسعادة وراحة وهدوء وسلام

ولا سلام مع اسرائيل. حاضر يا فندم :)

نورت الدنيا وسعدت أن الطرح راقك

هبة النيـــــل يقول...

أستاذ أحمد شريف

وبارك الله لك يا فندم

جزاك الله خيرا

منتظراك :)

Haytham Alsayes يقول...

السلام عليك
استاذتي هبة
ربنا يكرمك بجد علي المجاملة اللطيفة
بجد ليا اصدقاء ميفرقش معاهم الا الامة والبلد ولو قليتلهم احرق نفسك عشان البلد مش عيتردد ثانية

فيه رجالة في لبلد دي كتيرة ومش صحيح ان الرجالة ماتت في 73 انا بكره لما حد بيقول كدة بس للاسف الرجالة دول مش واخدين فرصتهم


وشكرا جدا علي دعوتك اللطبفة وان شاء الله لو امكن يشرفني يافندم حضور محاضراتك والاستفادة منها


ويشرفني كمان ان حضرتك تبقي حماتي هو الواحد يطوول ههههه

دمتي بصحة وسعادة

تحياتي

هبة النيـــــل يقول...

أختي

كلمات من نور

اللهم آمين

وجزاكِ الله الخير كله

شرفت بكِ

هبة النيـــــل يقول...

أخي

تايه في وسط البلد

هناك 3 حالات لا تنبت فيهن البذرة:

1- أن تكون "الظروف المحيطة" غير صالحة للإنبات.
2-أن تكون البذرة في حالة كمون فتحتاج إلى تحفيز.
3- أن تكون البذرة "فاسدة" غير صالحة للإنبات.

إن لم نُنبت علينا أن نبحث عن سبب عدم الانبات.

دمت بكل خير

هبة النيـــــل يقول...

استاذ هيثم السايس

الشرف لي يا فندم

طبعا البلد فيها رجالة، قال رسول الله صلى الله عليه وسلم: الخير في أمتي حتى قيام الساعة" أو كما قال.

دمت بكل خير

Haytham Alsayes يقول...

السلام عليكم
ازيك ياستاذة هبة
اولا شكرا علي مرورك وتعليقك اللطيف

ان كنت باسأل عن دورة البرمجة اللغوية العصبية ايه فايدتها وهل دراستها صعبة وبتضمن ايه عشان عاوز اتعلمها ان شاء الله مستقبلا ؟

وشكرا ليكي مرة تانية


تحياتي

عفوا أنا أميرة يقول...

جميييييييييييييييييلة فعلا، أستاذة ورئيسة قسم;-)
بصراحة الكلمات البسيطة دى بعمق قصدها زى ما أشار الجميع وصلتلى رسايل كتيره ومختلفه..بذرة المبادرة فى اى عمل أنى أكون الفعل مش ردت الفعل، بذرة اكتشاف نفسي..بذرة الفكر حجات كتيره وأههمهم أنى ماعديش سكشن التصنيف كدا ابدأ اتعلم بنفسي وماستناش حد يعرفنى -طبعا بدون تجاهل فضل الآخرين وأهميتهم فى حياتنا- وأخيرا أنى أتأمل كل حاجة وطلع منها خواطر متميزه زيك يا فندم
جزاك الله خيرااا ربنا يكرمك ويسعدك وينفع بيكِ

هبة النيـــــل يقول...

اللهم آمين

وإياكي أيتها الأميرة سلمى

وبعدين هتودينا في داهية في حكاية أستاذة دي وطبعا الأكتر منها رئيسة قسم هههههههههههه

ربنا يراضيكي يا سلمى ويقر عين والدكم بيكم اللهم آمين.

هبة النيـــــل يقول...

وبالنسبة لسكشن التصنيف الزهري :)

نتعلم سوا ان شاء الله :)

اشوفك بكرا بإذن الله :)

فشكووول يقول...

بنتى الحبيبه هبه
تحياتى

بما انك مدرس مساعد فى علم النبات فالصنعه تحكم بقى وكلامك كله على النبات

عايز اقول ان البذره ما زالت تنبت تحت التراب وان شاء الله سوف يكون نباتا قويا ... ومش بذره بس .. هناك بذور كثيره تحت التراب وعندما يكتمل نموها سوف يكون لها آثارها القويه فى تغيير هذا المجتمع الى الافضل .. ان شاء الله

تحياتى

هبة النيـــــل يقول...

أبي العزيز فشكول

علينا فعلا أن نوقن بوجود البذور

حتى وإن كانت مدفونة..

بتنور الدنيا كلها والله

ربنا ييسرلنا الحال

وتنبت كل البذور :)

طهر فؤادك يقول...

السلام عليكم ورحمة الله وبركاتة

بارك الله فيكى

وموضوع كلماتة فعلا راقية وعبقرية زى مابيقول العنوان ... وان شاء الله بأسلامنا واتباع قدوتنا وحبيبنا ومعلم البشرية جمعاء ان شاء الله هنغير الكون للاحسن بأذن الله تعالى والمكافاة والاجر بتعتنا مش هنخدة من انسان لا هنخده من خالق الكون بأذن الله تعالى ..

Beram ElMasry يقول...

ابنتي العزيزةهبة النيل يعني مصر
اليوم 30مارس عيد ميلاد سعيد وعمر مديد بالصحة والسلامة وحفظ الله بيتك وزهرة بستانك وجعلها لك ولابيها قرة عين
سلمت من كل مكروه وارجو ان لا تحرميني من تعليقاتك الطريفة الذكية
تحية وسلام ولاسلام مع بني اسرائيل

هبة النيـــــل يقول...

استاذنا الكريم

طهر فؤادك

والله يملأني الأمل في غدٍ مختلف

مشرق بشموس بشر مختلفة

تبعث دفئا لكل من حولها

أعاننا الله ورزقنا الاخلاص اللهم آمين

هبة النيـــــل يقول...

أبي العزيز

بيرم المصري

صدقا لا تسعني الكلمات لأشكرك عن تذكرك لكلمة عابرة عن يوم مولدي، اتأثرت جدا والله كلك ذوق يا بابا،

أنا لا أستطيع أن أمنع نفسي عن الانتظار شوقا لما تكتبه كل ثلاثاء..

فنفسي تسعد بما تكتبه..

أسعدتني جدا والله

ولا سلام مع اسرائيل :)

سمو الامير يقول...

جميل أوي التشبيه ده

ويارب نكون نبته خضراء في الطاعة والعلم وليس فيما يغضب الله سبحانه وتعالى

يااااااااااارب

جزاك الله خيرا وفي انتظار بقية الحلقات ان شاء الله

هبة النيـــــل يقول...

اللهم آمين

سمو الأمير

أهلا وسهلا ومرحبا

جزانا وإياكم يا فندم

إبن النيل يقول...

السلام عليكم ورحمه الله وبركاته
التشبيه جميل جدآ وإسمحيلي أزيد وأقول البذره مش هطلع بس أكسجين
للبشر دي هطلع كمان نيتروجين
تستفيد منه باقي البذور
دي هطلع أغصان وفروع لأعشاش الطيور
دي هتنبت بشر مش عاديه دي هتنبت
أسود
وفهود
ونمور
دي هتملي الدنيا بشر وكمان سرور
وهتنبت .. هتنبت
لو في بطن الجبل ولو في قلب الصخور
ومهما طال الدجي هيتنفس الصبح ويجي الشروق.
أول مره أكتشف إن مندل مامتش
حضرتك جمعتي مابين الشيئين العلم والروح في كلمات معبره أوي
دا حضرتك كده مش مندل دا أنتي عدتيه بكتير أوي وربنا يكرمك دايمآ بنور العلم ونقاء الروح
ومش بعيديكون ابن الهيثم وابن سينا وابن البيطار وابن النفيس والخوارزمي و......ماماتوش هما كمان