الثلاثاء، 2 مارس 2010

حدثهم فيما يحبون

في كتاب العالم ديل كارينجي كيف تكتسب الأصدقاء وتؤثر في الناس
ترجمه وعربه أ. محمد قرني وكتب اسمه كيف تمتلك عقول الناس
وفيه يقول:

من أهم الأسباب التي تجعلك قادر على اقناع شخص ما بشيء معين
هو أن تحدثه مبدئيا عن شيء يحبه
(بالبلدي ماتعصبوش الأول وبعدين تاخد رأيه)
منطقيا فعلا فإن حديث النفس عن شيء تحبه يجعلها تهدأ

وقد كتب أ. عاطف أبو العيد في كتابه كيف تكسب الناس في 90 ثانية
شيئا مشابها وقد ضرب مثل الشيخ الشهيد البنا
حيث كان ببداية تنظيم جماعة الإخوان يريد أن يدعو إلى أفكارها
فكان هناك رجلا يحب تربية الحمام،
فأحضر كتابا عن تربية الحمام وطلب من أخ أن يقرؤه..
ثم بعد انتهائه من قراءته قال له اذهب إلى فلان واعرض عليه ما ندعو له (دون أن يعلمه بحبه عن تربية الحمام)،
ذهب الأخ إلى الشخص فما إن وصل إلى هناك حتى رأى "برج الحمام"
فما كان منه إلا أن بدأ حديثه عن الحمام واسترسل الرجل في الكلام معه،
ثم عرض عليه ما يدعو إليه فوافق الرجل.

حقا.. تلك هي العبقرية :)

هناك 18 تعليقًا:

Haytham Alsayes يقول...

كلامك مظبوط ياهبة اهم حاجة معاملة الناس وفق تفكيره ودي عبقرية في حد ذاتها
تقبلي مروري

هبة النيـــــل يقول...

أهلا أستاذ هيثم بيه :)

وننتظر منك المخطط التاريخي مثلما وعدتنا :)

عفوا أنا أميرة يقول...

صح جدااا، وفى نفس الوقت صعب بس مش مستحيل، علشان اكسب واحدة أعدت ساعة كاملة أسمعها ازاى بتعمل الجمبري بعدت طرق كنت هعيط منها بس بعد القعده دى دخلت دماغها على الآخر، بس هى طلعت من حياتى كلها هههههههههه;-)
معاملة الناس مش سهلة وكسب ودهم والرسول عليه السلام قال من يخالط الناس ويصبر على أذاهم خيرا ممن يعتزلهم فيما معناه، يعنى الموضوع يستاهل التدريب والصبر
تسلمي ياقمر جزاك الله خيرااا

هبة النيـــــل يقول...

رحبا بالأميرة سلمى..

طيب ابقي قوليلنا ع الطريقة بأه الله يكرمك :)

بس مش عارفة والله يا سلمى ممكن أقدر أستحمل أذاهم لحد امتى

بفكر أعتزل فعلا

بالله عليكي ما تنسينيش من خير دعاكِ

well يقول...

كتاب كيف تكسب الاصدقاء وتؤثر فى الناس ....من اكتر الكتب اللى بحبها واللى مابزهقش من قرائتها ...فى بعض الاحيان حب ان اقتطف من هذا الكتاب بعض الصفحات
على فكرة ...الكتاب ده بداية سحره من اول الجزء التانى
انا شايف انا انتى استخدمتى تلك الطريقة وحدثتينا عن شئ نحبه
تحياتى

هبة النيـــــل يقول...

هلا ومراحب يا باشمهندس :)

ان كان يمتعك ديل كارينجي

فأنبئك بروعة ومتعة لا أول لها من آخر

إذا قرأت لــ د. وين داير

أقرأت له؟؟

غير معرف يقول...

كلام جميل
كلام معقول
مقدرش اقول حاجه عنه :)

أنا فعلا لما باعمل كده باقنع ناس بحاجات مكنش ممكن يقتنعوا بيها بطريقة تانية

تحيــاتي :)

هبة النيـــــل يقول...

سمو الأمير

شرفتنا يا فندم

وفعلا الواحد ساعات بيلاقي حجات بيعملها أوتوماتيك من غير ما حد يقوله عليها

هي دي العبقرية يا فندم :)

>>> يقول...

علي ابن أبي طالب - رضي الله عنه - قال شيء مشابه لخص بيه الفكرة دي في جملة بليغة هي :
((خاطبوا الناس على قدر عقولهم))

واللي انتي كتبتيه ،،
أنا كتير بحاول أطبقه مع الآخرين

وفعلاً ده اسلوب ناجح ومثمر جدا

خصوصاً لما بنستخدمه في الشيء الأهم ، وهو الدعوة إلى الله


تحياتي لأفكارك الخلاقة

كل الود ، هبة

بَرَاء

عفوا أنا أميرة يقول...

احم احم، اللى فكراه ان المكون الأساسي كان الجمبري:))
ممكن تجربى الخطوة دى لفترة وأأكدلك أنك هتختارى أنك تصبري على أذاهم، بجد فيها متعه وأكيد الكلام دا أنتِ اللى تعلميهلنا...الله المستعان وأنتِ كمان ما تنسينيش من دعواتك

عمرو جويلى يقول...

السلام عليكم
من الذكاء أن يستمع الفرد لكلام
شخص آخر حتى يصل إلى ما يريد
خالص تقديرى

هبة النيـــــل يقول...

أستاذ براء

أعتقد أنه حديث للرسول صلى الله عليه وسلم إذ يقول:

"أمرت أن أخاطب الناس قدر عقولهم" أو كما قال.

فعلا أسلوب ناجح

ربنا يكرمك أستاذ براء

أعطر التحايا

:)

هبة النيـــــل يقول...

صاحبة السمو الأميرة سلمى


عاوزة أعملك موضوع نسميه
"الأميرة سلمى والجمبري" :))

أدينا صابرين والله يا سلمى

والله موقنة أنه فضل من ربي هذا الابتلاء وله في ذلك حكم حقا

وأعلم أنه لا يقدر إلا الخير

بعض الحزن وليس كثير

لكن الصبر لا سبيل إلا هو يا أميرة سلمى :)

أرق المنى :)

هبة النيـــــل يقول...

أستاذ عمرو

حقا ومن العبقرية حقا أن تحدثهم فيما يحبون

وقد بعث كل نبي بلسان قومه


نورتني يا فندم :)

Beram ElMasry يقول...

ابنتي العزيزة هبة
عود حميد ان شاء الله وشرفت مدونتي بحضورك وشكرا لتعليقك الذكي وشرفت بزيارة مدونتك وموضوعك الجميل وطريقة اكتساب ود الاخرين وقلوبهم. وقال الرسول عليه السلام بما معناه ان اردت ان تفشوا الحب بينكم فافشوا السلام
ومعذرة علي التأخير
سلام الله عليك ولا سلام مع بني اسرائيل

هبة النيـــــل يقول...

الوالد العزيز بيرم المصري

أنا اللي سعيدة برجعي أقرأ ما تكتبونه

أد ايه فعلا أشعار حضرتك رااائعة

وأسعدتني جدااا

:)

مستكه يقول...

السلام عليكم ورحمة الله وبركاته

ازيك يا دكتورة هبه

بجد وحشتيني

بالنسبه لموضوع اننا نتكلم مع الناس بما يحبون هي فكرة جميله طبعا

بس احيانا بحس اني مش قادره اتواصل بالطريقه دي لان احيانا بتعامل مع ناس لا تقبل الراي الاخر

شايفين انهم صح علي طول الخط وده بيخليني ادخل معهم في عند عشان اثبت خطأهم

واحيانا بجادل وانا عارفه اني غلط بس لمجرد عشان اعند معاهم واتعبهم زي ماتعبوني

دي طريقة بايخه فعلا بس عايزة اخليهم يحسوا انه فيه راي وراي اخر

ومش شرط ابدا انهم صح علي طول

دا غير ان ممكن اصلا نكون بنتكلم في موضوع مالوش معيار ثابت صح وغلط يعني كل الاراء ممكن تكون صح ومفيش مشكله

انا غلطانة في الطريقة دي مش كده !!

هبة النيـــــل يقول...

وحشاني جداااا يا مستكة


بالنسبة للطريقة اللي بتقولي عليها

كنت الأول بعمل زيك بالزببببببببط

وكان تبريري زيّك

عند وخلاص

بس لقيت إني أنا اللي أعصابي بترهق


عارفة لقيت أسلم طريقة "الصمت"

الصمت والاحتفاظ برأيي طالما "واثقة إنه لن يُسمع"

أريح لي وللي أمامي


جربي كدا هترتاحي :)

أسعدتيني جدااا والله :)